Je suis Robert

Je suis Robert, Robert, le beau Robert,
Que la brunette tant aymoit

Ne sçauroit-on trouver un messager en France
Qui s'en vouloist aller au jardin de plaisance
Dire à Robert, Robert, le beau Robert,
Que la brunette se mourroit.

Et quad Robert ouyt ces certaines nouvelles,
Il a bridé Grison, et luy a mis la selle,
Frappit trois coups des esperons jolis
Pour la brunette secourir.

Et quand Robert y fut à l'entrée de la porte
Il a ouy sonner trois fois les grosses cloches
Qui en leur son, leur piteux son disoient
Que la brunette se mourroit.

Quand Robert fut entré au milieu de la ville
Il a ouy chanter l'alouette jolie
Qui en son chant, son joly chant disoit
Que la brunette guarissoit.

Quand Robert fut entré au milieu de la chambre
Il avoit oublié toutes ses contenances
Il fist trois tours, trois tours autour du lict
Pour la brunette resjouir.

"Et Robert, mon amy, et ne t'esbahis mie
Avant qu'il soit trois jours, tu verras ton amie
Tu la verras, verras en grand estat
Portant mancherons de damas.

Brunette suy, parlez a moy,
Mon coeur mourra s'il ne vous voit.

Et Robert mon amy, nous n'avons qu'une fille,
Mais les gens vont disant qu'elle estoit trop petite
Elle est à vous, elle est, elle est à moy
Elle est brunette comme moy.

Et Robert mon amy, quand viendrez à la ville
Venez y hardiment en grande compagnie
Et y venez, en grand, en grand estat
Comme le filz d'un advocat

Et Robert mon amy, vous n'avez point de chausses
Prenez de mon argent et en achetez d'autres
Et les prenez en grand, en grand estat
Qu'elles bouffent le taffetas.

Magnifique!

Heu , ce sont les VRAIES paroles de la chanson !!

Je suis Robert , je suis Robert le mol
De la belle Scarla , je suis amoureux fol
Hélas pour moi, trois fois hélas pour moi
La belle comtesse , n'aime , n'aime que le roy
Le roy , ingrat ne le lui rendra pas
Le roy , ce bougre , n'aime que Benalla